KALIBO, Aklan — Padayun nga gina-obserbahan sa Intensive Care Unit (ICU) ro sangka 40-anyos nga eaeaki matapos nga makapilang beses nga bun-on it anang kaugalingon nga igmanghud sa Brgy. Cogon, Malinao, bandang alas-10:00 it gabi-i it Biyernes, Hulyo 17.
Base sa paunang imbestigasyon it Malinao Municipal Police Station, hilong sigon ro magueang ag bangud nga masyado eon nga nairita ro manghud sa anang pag-minaoy hay ginkompronta it suspek ro biktima nga maghipos eon nga naging rason it andang mainitan nga diskusyon.
Sa katung-anan it andang away hay nagbo-oe ro suspek it sanduko ag gin-eabu ro anang magueang nga tinamaan sa anang ueo, abaga ag magtimbang nga dueunggan.
Insigidang gindaea ro biktima it mga rumespondent tawuhan it MDRRMO Malinao sa Aklan Provincial Hospital.// Sa pihak nga parte, padayun ro pagtugis it mga awtoridad sa nagpaeagyo nga suspek.
Owa narekober it kapulisan ro ro sanduko nga gingamit sa krimen.
