Nagpaguwa ro Senate Impeachment Court it subpoena para sa bank records, AMLC reports, ag tax documents ni Vice President Sara Duterte ag it anang asawa nga si Manases Carpio bilang parte it nagapadayon nga impeachment trial.
Suno sa korte, nasolusyunan it mga ginapangayo nga dokumento ro mga rekisito it impeachment proceedings bangud klaro ro sakop kara ag may kaangtanan sa mga alegasyon.
Kaibahan sa subpoena ro records it 19 nga corporate entities nga konektado sa mag-asawa, base sa andang General Information Sheets, Articles of Partnership, ag mga Statement of Assets, Liabilities, and Net Worth (SALN) halin 2022 hasta 2025.
Ginpamilit man it Senado nga indi pwedeng maging hadlang ro bank secrecy laws ag confidentiality provisions it Anti-Money Laundering Act sa gahum kara bilang impeachment court.
Masadya man nga ginbaton it House prosecution panel ro desisyon, nga importante sigon sa pagbuoe it ebidensiya angot it ginahambae nga “unexplained wealth” it Bise Presidente.
Samtang, ginkwestyon man it depensa ro subpoena ag ginpamilit nga raya hay sangka “fishing expedition” ag pageabag sa due process.
