Nagapadayun ro serye it pag-atake it militar it Estados Unidos kontra sa Iran, nga umabot eon sa ika-13 nga magkasunod nga gabi-i.
Suno sa Iranian state media, ap-at ro namatay ag lima nga iba pa ro naninahan sa pinaka-ulihi nga airstrikes nga tumama sa mga pasilidad militar ag komersyal sa Bandar Abbas ag Qeshm Island.
Ginpahayag ni US President Donald Trump nga pagagamiton it Washington ro mga naka-freeze nga assets it Iran agud nga bayaran ro anumang kahalitan sa mga barko, kargamento, ag iba pang may kaangtanan nga operasyon.
Gintawag nana raya nga “fair and equitable,” apang ginbatikos ni Iranian Foreign Minister Abbas Araghchi bilang sangka peligroso nga “precedent.”
Suno sa US Central Command (Centcom), gin-target it andang operasyon ro mga Iranian military command centers, drone storage facilities, communication networks, coastal surveillance sites, ag maritime capabilities agud nga pahinaon ro ikasarang it Iran nga magpamaeag sa mga sibilyan.
Kadungan kara, nagtuga it pagkabaeaka ro mga pag-atake it mga Iran-backed Houthis sa daywang Saudi tankers sa Red Sea, nga naging rason sa pagtaas it presyo it langis sa masobra sa $100 kada bariles—ro pinakamataas umpisa ko Mayo.
Nasayuran nga sangka tanker eamang ro nakatabok sa Strait of Hormuz ko Hulyo 24, ro pinakamanabang numero umpisa Mayo 7, nga nagapakita it grabeng epekto sa pangkalibutanon nga kalakalan.
