-- ADVERTISEMENT --
Nag-abot eon sa masobra sa 80,000 nga indibidwal ro nagbakwit sa España ag France matapos magtuhaw ro maeapnagon nga wildfire sa Pyrenees Mountain Range nga naga-separar sa daywang nasambit nga nasyon.
Raya hay sa tunga it nagapadayun nga heatwave nga naka-apekto sa pilang nasyon sa Europa, nga ginkamatay it ginatos nga katawo.
Nasayuran nga kapin sa 60,000 nga Pranses ag 20,000 Español ro nag-evacuate sa nasambit nga sunog.
Bangud kara, nagpangayo eon it bulig sanday Spanish Prime Minister Pedro Sanchez ag French President Emmanuel Macron sa mga kapareho nga nasyon sa European Union agud nga maisaylo ro mga residenteng posibleng ma-trap bangud sa wildfire.
