-- ADVERTISEMENT --
Pitong katawo ro namatay, kaibahan ro suspek, samtang 15 mat-a ro ninahan sa pagpamaril nga nagtuhaw sa Debsirin Nonthaburi School sa guwa it Bangkok, Thailand.
Kaibahan sa mga namatay ro tatlong maestro, daywang estudyante, ag ro lolo ag lola it 14-anyos nga suspek.
Suno sa imbestigasyon, ginbaril anay sigon it suspek ro anang mga lolo ag lola antes nag-adto sa eskwelahan, kun siin nagpaeupok imaw it masobra 26 nga bala gamit ro 9mm nga baril nga ginapanag-iyahan it anang lolo.
Matapos ro insidente, nagpakamatay ro suspek.
Samtang, ginhambae ni Department of Foreign Affairs nga uwa it Pilipinong nadamay sa trahedya.
-- ADVERTISEMENT --
Padayon man nga gina-imbestigahan it Royal Thai Police ro motibo it pagpamaril.
