Natapos eon ro ginpatigayon nga operasyon kay Pope Leo XIV.
Suno sa Vatican, nagapabilin pa sa Agostino Gemelli University Policlinic hospital ro 71-anyos nga Santo Papa matapos nga nabuoe eon ro “nodule” sa anang lung.
Ro nodule hay nagbilog nga tissue nga kusang nagabahoe.
Ro nasambit nga ospital hay nasayuran nga may special suite it kuwarto para sa Santo Papa sa ika-napueong panaegan.
Ro nasambit nga kuwarto hay gintawag kato ni Pope John Paul II bilang “Vatican three” bangud sa masami imaw nga ginadaea sa nasambit nga ospital.
Bangud sa pagpaidaeom it Santo Papa sa operasyon, ginkansela ro tanan nana nga mga public events it hasta sa Oktubre 20.
Magapadayon ro trabaho it Vatican samtang idto sa ospital ro Santo Papa apang andang pagakanselahon ro anumang dokumento nga kinahang-ean it pirma it Santo Papa.
