BREAKING — Tatlong ka unga ag sangka manugturo ro napatay sa pagpamaril sa Silver Rail Elementary School sa Bend, Oregon, United States, adlaw it Biyernes, Oktubre 16, 2026, oras sa Pilipinas.
Base sa report it Associated Press, ro mga inunga nga napatay hay naga-edad it lima, waeo ag onse anyos.
Ro 16-anyos nga suspek sa pagpamaril hay patay man matapos nga komprontahon it sangka sibilyan nga nagbaeabag sa anang pag-atake.
Dawya pang biktima, kaibahan ro sangka pitong dag-on nga unga ag sangka 54-anyos nga teacher ro gindaea sa ospital bangud sa kritikal nga kondisyon.
Insigidang rumesponde ro mga pulis matapos makabaton it report angot sa panibag-ong school shooting incident sa US ag presensiya it sangka armadong indibidwal sa sueod it eskwelahan.
Bangud sa insidente, ginpaidaeum sa lockdown ro eskwelahan ag ginkansela ro mga klase ag aktibidad sa distrito samtang nagapadayun ro imbestigasyon sa motibo it pagpamaril.
