Ginaeauman nga magaumwad pa ro agricultural exports it Estados Unidos sa Pilipinas samtang padayon nga nagabahoe ro merkado sa nasyon suno sa American Farm Bureau Federation.
Apang, nagapangatubang ro US sa mas grabeng kompetisyon halin sa ibang agricultural exporters kaparehas it China, Australia ag Brazil sa Southeast Asian market.
Gin-insister mat-a it US Department of Agriculture nga nagapabiling mataas ro kalidad ag kalimpyo it andang mga produktong agrikultural.
Base sa datos it USDA, ika-10 pinakamabahoe nga agricultural export market it US ro Pilipinas.
Ko 2025, umabot sa $3.41 bilyon ro haega it agricultural products nga gin-export it US sa nasyon kaibahan ro soybean meal, wheat, dairy products, poultry ag ethanol.
Ginhinyo man it American Farm Bureau Federation ro mas maayos nga regulatory alignment sa tunga it daywang nasyon agud madasig ro proseso it certification ag pagsueod it mga produktong agrikultural sa merkado.
