Nag-anunsyo ro Canada it counter-tariffs nga nagaabot sa 50% para sa haeos C$28 bilyong haega it mga produkto halin sa United States bilang baeos sa mga bag-ong buwis nga gin-imponer ni US President Donald Trump.
Suno kay Finance Minister François-Philippe Champagne, magiging epektibo ro mga nasambit nga buwis sa Setyembre 8 sa mga produktong kaparehas it bakal, muwebles, ag eambong agud protektahan ro mga trabahador ag negosyo sa andang nasyon.
Nag-umpisa ro nasambit nga tensyon matapos magnaba ro mga negosasyon sa kalakalan sa tunga it daywang nasyon on sa siin nagbaeayluhan it mga akusasyon ro magtimbang nga parte angot sa bukon it makatarungang mga hinyo.
Ginpagbigyan mat-a it gobyerno it Canada ro pagtaeana it C$7.5 bilyong bulig para sa mga domestic industries agud malikawan ro maeapnagong pagkaduea it trabaho samtang padayon ro tensyon sa kalakalan.
Sa pihak kara, gin-insister it White House ag ni Trump nga ro Canada ro naging unreasonable sa mga isyu, samtang gin-akusahan mat-a ni Prime Minister Mark Carney ro US nga gustong samaron ro mga nagapangunang industriya it Canada.
Nagresulta ro sitwasyon it kabaeaka sa pagtaas it presyo it mga baeak-eon sa parehong nasyon ag nagbutang sa peligro sa paaeabuton it USMCA free trade agreement.
