Ginapapahaum eon it Philippine National Police (PNP) ro mga unit ag personnel kara para sa paggamit it mga bag-ong body-worn camera nga may Artificial Intelligence ukon AI.
Suno kay PNP Chief General Jose Melencio Nartatez Jr., makabulig ro teknolohiya sa mas klaru ag masaligan nga pagdokumento it mga operasyon it kapulisan.
Pwede man raya nga makabulig sa pag-preserba it ebidensya, pagpatigayon it imbestigasyon ag pagpasabat sa mga personnel kun kinahangeanon.
Ginpahayag ni Nartatez nga maprotektahan it body cameras bukon eamang ro publiko kundi pati ro mga pulis, bangud nga makaangkon it dokumentadong rekord it mga aktuwal nga hitabu sa tiempo it operasyon.
Ginpasiguro man it PNP nga pagagamiton kara ro mga body cameras para sa transparency ag accountability ag sandig sa mga ginapatuman nga laye ag polisiya.
Nauna eon nga ginpahayag ni SILG Jonvic Remulla nga nagaplano ro PNP nga magbakae it 10,000 hasta 20,000 AI-enabled body-worn cameras makaron nga dag-on.
