Ginsarado it Malaysia ro mga eskwelahan sa capital nga Kuala Lumpur ag sa limang kaeapit nga estado matapos umabot sa delikadong lebel ro polusyon sa hangin bangud sa madamoe nga aso halin sa forest fires sa Indonesia.
Apektado it nasambit nga mandato ro kapin sa daywang milyong estudyante matapos umabot sa 170 ro Air Pollutant Index (API) sa Kuala Lumpur, samtang umabot mat-a sa “very unhealthy” ro kalidad it hangin sa kaeapit nga nasyong Singapore.
Ginmando ni King Sultan Ibrahim nga awtomatikong isarado ro mga eskwelahan kon mag-eampas sa 150 ro API reading agud maprotektahan ro ikamayad nga eawas it mga pamatan-on ag vulnerable sectors halin sa nagalala nga haze.
Ginpahayag ni Malaysian Prime Minister Anwar Ibrahim nga nakipag-angot eon imaw kay Indonesian President Prabowo Subianto para sa nagakaigong aksyon ag naghinyo eon man it emergency meeting sa mga environment minister it ASEAN.
