Sumikeab ro maeapnagon nga hubeag protesta sa pilang lugar sa Syria bangud sa padayon nga pagtaas it presyo it produktong petrolyo.
Ginpasaka abi it gobyerno it hasta 40 percent ro presyo it diesel samtang 28 percent mat-a sa petrol. Bangud kara hay ginharang it mga protesters ro nagapangunang karsada it pilang oras.
Pila sa mga lugar kun siin nag-angkon it grabe nga hubeag protesta hay sa mga parte it Hama, Khan Sheikhoun ag Maarat al-Numan.
Suno kay Syrian Energy Minister Mohammed al-Bashir nga ro andang nasyon hay presenteng nakaka-himo it 102,000 nga mga bareles it langis kada adlaw samtang ginakinahangean it una sa 325,000 nga bareles kada adlaw para sa pagagamiton nanda sa nasyon kada adlaw kaya naga-eaom sanda sa mga gina-import nga langis para mapun-an ro kakueangan.
Ginsigurado mat-a it Ministry of Energy nga andang paga-tubn’a ro presyo it pangkalibutanong merkado kun siin naga-bag’o ro global market condition.
