Umatras si Dean Ralph Sarmiento sa pagiging unang testigo it defense team ni Vice President Sara Duterte sa pagpadayun it impeachment trial nga nakataeana sa Nobyembre 9.
Sa anang pahayag, ginpaabot ni Sarmiento nga matapos ro madahan nga pagbinag-binag hay nadesisyunan nana nga indi eon magpasakop sa mga pagpamati.
Ginpaathag nana nga personal ro anang naging desisyon agud nga maprotektahan ro kahilwayan it anang pagtuon ag pag-research sa constitutional law, kamana man ro pagiging patas ag independiyente it anang mga legal nga panan-awan ag opinyon.
“This is a personal decision to preserve the independence of my constitutional law scholarship and the impartiality of my legal views and opinions,” pahayag ni Sarmiento.
Si Sarmiento ro unang ginaeauman nga iga-atubang nga testigo it defense team sa impeachment proceedings kontra sa bise presidente.
Sa makaron, owa pa it ginapaguwa nga impormasyon kun sin-o ro posibleng magabueos kay Sarmiento bilang unang testigo it depensa sa masunod nga pagpamati.
