Gindayaw ni dating US President Bill Clinton ro mga Democratic candidates nga nagdaog sa 2026 US Midterm Elections.
Sa anang pahayag nga ginpaguwa kahapon, Nobyembre 4, ginkilaea ni Clinton ro mga pagtinguha it mga kandidato ag mga volunteers sa kampanya nga nangin kaparte it andang kampanya.
Apela nana sa mga bag-o nga napilian nga mga opisyales nga dapat tutukan ro pagpanaba it cost of living, pagmentinar sa pag-alaga it ikamayad nga eawas, ag pagsabat sa naga-inabu nga utang it nasyon.
Nagpanawagan man ro dating presidente sa mga kaibahan nga Democrats nga magtrabaho it patas kaibahan ro mga owa nagasuporta kanda agud maibalik ro pagsalig it publiko sa gobyerno.
Suno kay Clinton, ro mga bag-o nga napilian nga mga lideres dapat mag-atubang it andang responsibilidad nga may pagkamapainubuson ag kahauman sa pagpakig-angot sa pihak nga partido.
Gintaw-an man nana it importansya nga ro positibo nga mga resulta mas madali nga maangkon kon ro mga partido pulitikal hay magabueuligan para sa kamaeayran it mga Amerikano.
