BALITANG ESPESYAL – Sangka bald eagle ro gin-eaum nga injured bangud nga inde raya makaeopad ro nadiskubrehan nga sobra malang gale sa kabueosgon.
Nakit-an ro inde makaeopad nga bald eagle sa Wilson’s Creek National Battlefield nga ginkabaeak-an it pila sa mga nakakita rason nga insigida nandang ginreport sa Missouri Department of Conservation para ma-rescue.
Gindumdom it mga rescuer nga may injury sa pakpak rason nga ginpakamayad nga gin-alagaan ag ginbueong sa Dickerson Park Zoo.
apang, kat ginpaidaeom sa pilang check-up ag X-ray exam, uwa it nakit-an nga injury sa agila sa baylo nasayuran nga masyado manlang gale raya nga busog rason nga inde makaeopad bangud sa kabug-aton it anang eawas.
Nakakaon sigon ro agila it bilog nga racoon nga nakadugang sa anang timbang.
Ro Bald eagle hay sangka klase it agila nga makit-an sa North America.
Kilaea raya bilang simbolo it United States bangud nga raya ro andang pambansang pispis.
