Ginkilaea ro Boracay sa Pilipinas bilang ikaywang pinakamanami nga isla sa Asya base sa Readers’ Choice Awards it American travel magazine nga
, matapos maeampasan ro Langkawi sa Malaysia.
Nakabuoe ro Boracay it 94.6 puntos halin sa 100, kasunod it Phu Quoc Island sa Vietnam nga nakabuoe it 95.26 puntos.
Kilaea ro Boracay sa pino ag puting baeas, crystal clear water, makolor nga taean-awon ukon sunset view ag mapagsik nga nightlife.
Kaibahan sa mga patok nga aktibidad ro island hopping, scuba diving, parasailing, kayaking ag pag-eayag sakay it tradisyonal nga paraw boat.
Masobra sa 798,867 nga reader it Condé Nast Traveler ro nagpasakop sa nasambit nga survey nga nagasakop sa nagkaeain-eain nga eksperyensya sa pagtravel kaibahan ro mga syudad, isla, hotel, resort ag airline.
Samtang, nagpangatlo sa listahan ro Palawan sa Pilipinas, ginasundan it Langkawi sa Malaysia.
Mag-eowas kara, ginkilaea man ro Koh Samui, Bali, Phuket ag Phi Phi Islands sa Thailand, Andaman Islands sa India, ag Ko Pha Ngan sa Thailand.
