Naangkon it Local Government Unit (LGU) Malay ro Best Presentation Award – 1st Runner-Up sa ika-37th Philippine Travel Mart nga ginpatigayon sa SMX Convention Center sa Pasay City, adlaw it Dominggo.
Ro pagkilaea hay kaparte it pagperform it LGU-Malay ag mga kabulig kara sa industriya it turismo agud maipakita ro mga atraksyon, produkto ag iba pang maitanyag it isla it Boracay.
Bangud kara, nagpasaeamat ro LGU-Malay Tourism Office kay Mayor Frolibar Bautista sa padayon nga suporta sa pagduso ag pagpabaskog it turismo sa Malay.
Ginkilaea man nanda ro suporta ag bulig it mga tourism officials, travel agency, tour operator, tourism establishment, service provider ag iba pang tourism stakeholders nga nakipagbahin sa aktibidad.
Suno sa LGU-Malay, masobra pa sa pagtib-ong it Boracay ro Philippine Travel Mart bangud sa nagserbi man raya nga kahigayunan agud pabaskugon ro kaangtanan ag kooperasyon it mga una sa industriya it turismo.
Ginpunto kara nga ro pagtingob it mga tourism stakeholder ro naging yabe sa pag-abot it nasambit nga pasidungog.
