BORACAY, Island — Nakuhit ni Anton Paulo Dominick Della ro silver medal sa boys’ 18-19 age group it 4th Southeast Asia Open Water Championships nga ginpatigayon sa Boracay Newcoast sa banwa it Malay.
Sa anang international debut, natapos it 17-anyos nga swimmer halin sa San Fernando, La Union ro 10-kilometrong karera sa oras nga 2 hours ag 20 seconds.
Antes ro kompetisyon, nag-uli imaw it ap-at nga bueawang medalya sa Palarong Pambansa sa Agusan del Sur.
Nakakuhit man it bronze medal si Dianna Celyn Cruz sa women’s 20-and-above category.
Samtang, ginsilhig it mga Pilipinong swimmer ro podium sa girls’ 16-17 3K festival event, kon sa siin nag-angkon it gold si Bella Aaliya Pano, silver si Dominique Gabrielle Lepaco, ag bronze si Samantha Dainyhel Jamelarin.
Naging tampok man sa torneo ro 85-anyos nga si Vernan Certeza halin Jaro, Iloilo, nga ginkilaeang pinakamagueang nga partisipante sa men’s 3K festival event.
