Masako ro taeatapan it Philippine National Police kaibahan eun ro Aklan Police Provincial Office makaron nga holiday season para pangapinan ag hipigan ro kauewasan ag katawhayan ku mga pumueoyo sa pagselebrar it paskwa ag bag-ong dag-on.
Pagsaysay ni PSSGT Jane Vega spokesperson it APPO nga sa bilog sigon nga nasyon hay natinguhaan nanda nga makit-an ag mabatyagan ro presensiya it mgakapulisan.
Uwa sigon it augmentation nga matabo makaron bangud nga tanan hay nagaselebrar it paskwa ag masako ro mga nagkaeain-eain nga taeatapan.
May deployment sigon ag mga nakastandby nga Integrated Patrol Deployment bangud sa mga masako nga daeanon ag ginsikyar gid ro mga simbahan ag mga chapels.
Gamiton sigon nanda ro bilog nga pwersa ku andang grupo.
Dugang nana nga pribilihiyo eamang it mga kapulisan kung makaselebrar sanda it paskwa ukon mga selebrasyon ag makauli sa anda eabi eun kung nakahightened alert ro PNP.
Pagsiguro nana nga supisyente ro numero it mga kapulisan ag maabo kanda ro on post.
Bilang kaparte man it paskwa hay may ginhimo man nga mga aktibidades ro APPO kung siin nga nagpanao sanda it regalo ag nagbulig sa mga nagakinahang-ean.
Padumdom ni PSST Vega nga indi magpadaea sa mga scams pinaagi sa mga tawag nga tuyo nga magpangloko ag nagahamabae nga miyembro it CPP-NPA ngani insigida gid nga magpaeapit sa mga kapulisan pero padayon man sigon ro andang pagmonitor sa nasambit nga butang.
