KALIBO,Aklan– Nakalatag eon ro seguridad nga ginapatuman it Aklan Police Provincial Office sa nakataeanang pag-abot it Papal Nuncio, mga obispo, kaparian ag cardinals sa banwa it Kalibo, Aklan para sa igapatigayon nga retreat ag 126th plenary assembly it Catholic Bishops’ Conference of the Philippines (CBCP) nga magaumpisa makaron nga adlaw it Lunes, Hulyo 3-10 it presenteng dag-on.
Una kara, ginhaead ro misa kahapon nga unang adlaw it dominggo nga ginpangunahan ni Bishop Jose Corazon Talaoc, D.D it Diocese of Kalibo para sa eowas nga pagbyahe it Papal Nuncio, mga 88 active bishops, 37 retired ukon resigned prelates ag daywang diocesan priest administrators sa igapatigayon nga event sa Marzon Hotel sa Jaime Cardinal Sin Avenue sa banwa it Kalibo.
Sa tumaeagsahon nga kahigayunan hay napili ro Diocese of Kalibo nga pagahiwatan it CBCP plenary assembly nga twice-a-year meeting kon sa siin, magasentro ro asembleya sa pastoral matters kaeakip eon ro agenda sa moral, doctrinal ag social issues.
Pagkatapos it importanteng plenary assembly hay magadiretso ro mga raya sa isla it Boracay ag idto magapataliwan it gabie antes nga bumalik sa tagsa-tagsa nandang ginhalinan nga lugar
