Posibleng nagapabatyag si Aklan second district congressman Teodorico Haresco nga magpadaeagan sa posisyon it pagka-gobernador sa 2025 election.
Raya ro panan-awan it Atty. Harry Sucgang matapos nga nataeopangdan ro presensya it kongresista sa unang distrito it Aklan sa kasagsagan it pagpanupod it food assistance sa mga apektadong residente it nagtaliwan nga pagbaha partikular sa banwa it Kalibo.
Ginpahayag dugang ni Atty. Sucgang nga kon isimplify hay sumobra imaw sa ana nga limit rason nga may tendency nga magapadaeagan raya sa nasambit nga posisyon.
Magatapos eon suno kana ro anang termino sa pagka-kongresista ag uwa pa raya naka-agi sa pagka-gobernador maskin ro anang maging hugot nga kaengkwentro hay ana man mismo nga gumankon nga presenteng gobernador it probinsya it Aklan nga si governor Joen Miraflores.
Madumduman nga unang nagpaabot it bulig si congressman Haresco sa mga kabanwahanan sa unang distrito it Aklan nga eubus nga naapektuhan it nagtaliwan nga pagbaha.
