KALIBO, Aklan—Napatangis sa sobrang kalipay si Vincent Kier Tugnao kat masayuran nana nga nakapasa imaw sa Pharmacist Licensure Examination.
Suno kana, uwa eagi nana ginbuksan ro link it resulta sa baylo may agreement raya sa anang ina nga dungan nanda raya nga pagabuksan.
Uwa eon napunggan nga magtangis sa kasadya kat nakabaton raya it tawag maghalin sa anang tiya nga sambilog imaw sa mga nakapasa sa examination.
Bukon it naging madali para kay Tugnao nga mag-eskwela it pharmasya eabi eon ag bukon it raya ro anang first choice nga kurso.
Maabong beses man nana nga naisipang mag-shift, apang nagpursige raya ag uwa nagsurender para maabot ro handom.
Nagpasaeamat si Tugnao sa anang pamilya, mga himata ag sa Diyos sa suporta ag giya para makapasa sa licensure examination.
Nagta-o man raya it laygay sa mga gustong magsueod sa nasambitang kurso nga mag-eskwela it mayad, makaangkon it disiplina sa kaugalingon, habaan ro pasensiya, magpasaeamat ag magtuo sa Diyos.
Si Tugnao hay residente it Brgy. Bangbang, Balete ag nakatapos it kursong Pharmacy sa University of San Augustin sa Iloilo, City.
