Gindayaw it publiko ro aktor nga si Donny Pangilinan bangud sa anang pagpanupod it relief packs sa mga residente nga naapektuhan it baha sa Silang, Cavite.
Ko Martes, Agosto 11, nagviral ro video nga nagapakita kay Pangilinan nga nagpanupod it mga relief pack sa Risen Christ Catholic School sa Barangay Acacia. Owa it cameras ukon bodyguards nga kaibahan ro aktor, kundi pila eamang nga katawo nga nagbulig sa pag-distribute it ayuda.
Ro nasambit nga lugar hay naapektuhan it pagbaha bangud sa mabaskog nga uean nga daea it Habagat, nga naka-apekto sa maabu nga mga pamilya. Ginpasaeamatan man it mga residente ro aktor bangud sa anang pagtau it bulig.
Bukon it raya ro unang kahigayunan nga nagbulig si Pangilinan sa mga biktima it kalamidad. Ko nagtaliwan nga dag-on, nagpanupod man imaw it groceries ag mattresses sa mga evacuee nga naapektuhan it Habagat. Nagtau man imaw it P300,000 sa mga kariton vendor ko Setyembre 2025.
Samtang, makaron nga dag-on, kaibahan ro anang ama nga si Anthony, ginpanabaan nanda ro presyo it andang diesel sa andang gasolinahan sa South Forbes, Silang.
