Nagapati si House Senior Deputy Majority Leader ag Iloilo Rep. Lorenz Defensor nga ro pagnaba it ratings ni Vice President Sara Duterte sa mga presidential survey hay resulta it anang kapas-eawan nga sabton ro mga alegasyon kontra kana.
Dugang pa ni Defensor, nagaeapad eon man ro kasayuran it mga pumueuyu angot sa ginapangatubang nga mga impeachment complaints ni VP Duterte.
Suno kay Defensor, maabung mga Pilipino ro nagatan-aw sa TV, sa YouTube, ag nagapamati sa radyo rason nga nasubaybayan nanda ro impeachment proceedings sa Kamara.
Ginpamilit pa ni Defensor, sigurado nga naka-apekto man sa ratings ni VP Sara ro mas maabung mga ebidensya nga nagtuhaw sa impeachment hearings angot sa mga alegasyong saea nga paggamit sa pondo it nasyon, bribery, corruption, ag grave threats.
Reaksyon raya ni Defensor sa resulta it presidential survey it Pulse Asia kun sa siin nagpatas si VP Sara ag Sen. Raffy Tulfo samtang sa survey man it Octa hay nag-sangkiri ro abanse ni VP Duterte kay dating vice president ag makaron hay Naga Mayor Leni Robredo.
