Ginpahayag it Department of Justice nga andang paga-usisaon ro iba pang posibleng anggulo sa likod it insidente it pagpamaril sa Tacloban City ku ika-22 it Hulyo.
Sa panayam, ginpakigbahin ni Justice Spokesperson Atty. Polo Martinez nga ginatan-aw nanda makaron ro ‘violent extrimism’ nga posibleng nag-tikeod kanda para ubrahon ro pagpamaril.
Nagapati ro taeatapan nga bukon eamang raya basta simpleng kaso ukon insidente it ‘bullying’ kaya gina-usisa it ahensiya maging ro iba pang mga anggulo.
Ginpamilit it tagapaghambae nga posibleng magturo raya sa mas maeawig nga rason ukon ‘pattern’ kapareho it naunang nasambit nga ‘nihillistic violent extrimism’.
Paathag pa nana nga tuyo it taeatapan nga indi ipaiway ro insidente ag ma-pokus ro atensyon nga raya hay ikunsidera bilang sangka kaso eamang it ‘bullying’.
Sa nagtuhaw nga pagpamaril, , tatlong estudyante ro namatay samtang 20 mat-a ro nalistang naninahan.
Sa pihak nga ro mga suspek hay uwa pa sa insaktong edad ukon menor de edad pa eamang, gin-insiter it taeatapan nga bukon sanda it awtomatikong eusot halin sa saeabton it laye.
