-- ADVERTISEMENT --
KALIBO, Aklan — Kulong ro sangka Argentinian tourist matapos maghimo it gulo sa sangka bar sa Barangay Balabag sa isla it Boracay.
Nakilaea ro suspek nga si Augustine Eliseo Grande, 25, taga-Argentina ag nagabakasyon eamang sa isla.
Ro estranghero hay gin reklamo it physical injuries it daywang bouncer nga sanday Ronald Coching ag Eric Venus, pareho ag temporaryong naga estar sa Boracay.
Base sa imbestigasyon it Boracay Tourist Assistance Center (BTAC), bangud sa kahilungon hay nanggulo ro estranghero sa dance floor ag kat gin patawhay it daywang bouncer, gin eamposan sanda it highball glass ag gin binayo it suspek nga nangin rason agud makaangkon it nina sa ueo ag sa iba pang parte it anang eawas.
