Kalibo Aklan ——–Naabutan pa it mga otoridad nga nagakinasadya ro asawa it sangka pulis kaibahan ro sangka marino sa sueod it inn sa Barangay Kauswagan, Cagayan de Oro City.
Sa report nagdangop sigon ro isaeang ka Police Corporal sa Carmen Police Station matapos mabatian nga magkaibahan ro anang misis nga si alyas Alice ag sangka eaeaking alyas Clint nga sakop sigon it Marine Corp.
Gilayon man rayang ginrespondehan it mga pulis ag idto naabutan ro daywa nga magkaiping sa kama suksok eamang ro nighties ag short ag idto sanda nadakpan.
Samtang, naboe-an man it .9mm pistol si Clint nga ginapahayag nga service firearm apang owa it maipakitang certification nga aprobado it Comelec para sa gunban exception.
Arestado ro daywa ag nagapangatubang sa kasong Adultery ag Violation of Comelec gun ban.
