Balitang Espesyal ——-Sangka babaye sa Florida nga maga-unga eon ro nag-insister sa anang asawa nga ipaagi anay imaw sa voting center agud nga makaboto.
Gin-asikaso it election officer nga si Karen Briceno Gonzales ro mga balota sa sangka voting precinct it Orange County, Florida kat may sangka eaeaking nag-abot nga bitbit ro driver’s license it anyang asawa.
Gin-eaum ni Gonzales nga magahinyu eang ro eaeaki it balota para sa anang asawa rason nga nakibot imaw kat hambaeon kara nga sa guwa it presinto ro anang maga unga nga misis ag gusto pa kara nga makaboto antes sanda nga mag agto sa ospital.
Bangud kara, napilitan si Gonzales nga magguwa ag taw-an it balota ro asawa it eaeaki.
Ginbantyayan nana ro babaye nga medyu ginahapo pa samtang ginasabtan ro balota senyales nga nagataeana eon imaw nga maga unga.
Pagkahueog it balota hay insigidang nagpanaw ro mag-asawa, nga parehong masadya bangud nga nakaboto ro babaye antes ro anang pag-unga.
Para sa anang determinasyon nga makaboto hay plano it mga election officials sa lugar nga padaehan ro babaye ag ro anang bag-ong unga nga eapsag it mga regalo.
