Sangka 63-anyos nga babaye sa Vietnam ro ginasugid nga 41 anyos eon nga owa nagakaon it solid food ag naka-survive eamang sa pag-inom it tubi!
Naging sikat si Ms. Ngon sa andang banwa sa Tan Trach, Long An province bangud sa anang kakaibang diet.
Raya hay bangud sa nagtaliwan nga ap-at nga dekada, ro source of nutrients eamang nana hay ro pag-inom it tubi nga may asin, asukar ag katas it lemon.
Gindayaw si Ms. Ngon it mga tawo sa anang lugar bangud nga mag-eowas sa healthy ag mabaskog nana nga pang-eawason, masarangan nana nga obrahon ro mga kumplikadong Yoga poses nga indi masarangan nga obrahon it mga mas bata kana.
Nag-umpisa ro tumaeagsahon nga diet ni Ms. Ngon kat imaw hay 21 years old matapos nana nga masayuran nga may una imaw nga blood disease.
Sa kahadlok nga temprano imaw nga mamamatay bangud sa anang sakit, ginsunod nana ro laygay it sangka albularyo sa andang banwa nga punduhon eon ro pagkaon it solid food ag mag-inom eon lang it tubi nga may asukar, asin ag lemon juice.
Ko una hay diskumpiyado ro pamilya ni Ms. Ngon sa laygay it albularyo ag ginpugngan imaw nga sundon ro nasambit nga laygay.
Apang ko ulihi nakita nanda nga naging maayos ro anang ikamayad nga eawas ag ginpabay-an eon lang imaw sa makarondaya nga diet.
Sa makaron, sangka acupuncturist ag Yoga teacher si Ms. Ngon.
Maskin nga imaw hay sangka manugturo ag health advocate, owa nana gina engganyo ro anang mga estudyante nga tuearon ro anang lifestyle.
Sa tan-aw abi nana ro pag-survive nana sa tubi eamang hay ginakabig nana bilang sangka miracle ag posibleng makapaeain kon paga testingan it iba.
