KALIBO, Aklan — Ginkaguluhan it mga residente ro baka nga natawo nga daywa ro ueo ag sambilog ro leog sa Barangay Taba-ao, Banga, Aklan.
Suno kay tatay Floro, tag-ana it baka, nag-tiyo kabi-i ro anang alaga, apang eubus ro andang pagkakibot kat makitang daywang ueo ro amat-amat nga gina-unga kara.
Ro kada ueo hay may kompletong mata, ilong ag baba.
Apang, napas-eawan sigon sanda nga masalbar ro kabuhi it tumaeagsahon nga baka, kun sa siin, namatay man ro inang baka bangud nga medyu nabudlayan sigon raya nga mapaguwa sa anang pwerta ro bag-ong unga nga baka.
Ro kambal nga ulo it baka kaibahan ro anang inahan hay insigidang gin-eubong it tag-ana.
Sa pihak nga parte, ginpahayag it sangka beterinaryo nga maisot eamang ro tiyansang mabuhi ro makarondaya nga tumaeagsahon nga baka.
Polycephaly sigon ro tawag sa nasambit nga kondisyon nga dapat kunta hay kambal, apang napundo ro pag-develop.
