KALIBO, Aklan—Magkahalong kasubo ag pagkabaeaka ro ginabatyag makarun ni Punong Barangay Maribeth Cual it Brgy. Bakhaw Norte, Kalibo para sa anang mga pumueoyo.
Raya hay matapos nga ginpaidaeom sa granular lockdown ro Sitio Ilaya ag Sitio Libuton B it andang barangay kasunod it pagpostibo sa Coronavirus Disease 2019 ukon COVID-19 it sangka laboratory staff it Aklan Provincial Hospital nga residente it nasambit nga lugar.
Suno kana, batyag sigon nana ro kalisod nga ginapangatubang it anang mga kasimaryo.
Bangud sa kawad-an it trabaho ag paghugut nga ginapatuman.
Aminado man imaw nga kueang ro ayuda nga andang nababaton.
Bangud kara, eubos imaw nga naga-apela sa publiko nga mabuligan ro mga residenteng apektado it ginpatuman nga lockdown.
Sa pihak kara, nagapadayun pa sigon ro andang pagpanupod it food packs maghalin sa province ag munisipyo it banwang Kalibo.
Nagapasaeamat man imaw sa presenya it mga kapulisan kung siin sanda ro nagatutok sa pagbantay agud nga masiguradong euwas ag nagapabilin sa tagsa ka panimaeay ro mga residente kamana man sa mga opisyales ag barangay tanod nga nagaserbing taga bakae it mga kinahang-eanon it mga pumueoyo.
