KALIBO, Aklan–Bangud sa kakueangan it quarantine facility, napagdesisyunan it Provincial Inter-Agency Task Force (IATF) nga mag-euwas sa mga day care center hay magapatindog it Ligtas Covid Center ro kada barangay para sa mga naga-uling Locally Stranded Individuals (LSI’s) ag Returning Overseas Filipino Workers (ROF’s).
Sa ginpatigayon nga mid-year covid-19 implementation assesment, naging sentro ro mas pang pagpatibay sa contact tracing it probinsya engkaso nga may magpositibo sa makamaeatay nga sakit nga coronavirus disease ukon COVID-19.
Suno kay Liga ng mga Barangay President Ronald Marte nga kinhangean eun nga may ligtas covid center ro kada barangay para sa mas madaling contact tracing.
Pamaagi man kara hay masiguro ro kaeuwasan it tanan eabi eun ro pamilya it pasyente nga tinamaan it nasambitan nga sakit.
