MALAY, Aklan — Napabahin ro Munisipalidad it Malay bilang finalist sa Best Tourism Month/Week Celebration – Municipal Category it ATOP Pearl Awards 2026.
Naangkon it banwa ro pagkilaea bangud sa madainaeag-on nga 2025 Tourism Week Celebration nag may temang “Tourism and Sustainable Transformation,” nga nakatutok sa sustainable tourism, inobasyon, lokal nga kultura, pagpasakop it komunidad ag pagpabaskog sa sektor it turismo.
Igapatigayon ro ATOP Pearl Awards 2026 awarding ceremony sa San Pedro, Ormoc City, Leyte sa Oktubre 21, 2026.
Ginpakigbahin it LGU Malay nga mabahoe nga kadungganan ro pagiging finalist ag ginahaead ro nasambit nga pagkilaea sa mga tourism stakeholders, organisasyon, lokal nga komunidad, tourism workers ag Malay Tourism Office Team.
Samtang, ginabantayan eon man ro 2026 Tourism Week Celebration it Malay nga ginaeauman nga magahathat it mas mabahoe nga programa, mas malig-on nga partnerships ag mas maeapad nga partisipasyon it komunidad para sa padayon nga sustainable transformation it turismo.
