KALIBO, Aklan—Nagapabilin nga problema ro basura sa Bgry. Andagao, Kalibo.
Raya hay matapos nga uwa gihapon sanda it kaugalingon nga garbage truck nga nagahakot kara paadto sa dumpsite.
Apang suno kay Punong Barangay Roselyn Dela Rosa nga nagatinguha eon makaron ro council nga makapurchase it bag-ong garbage truck ag matuman eamang raya oras nga maaprubahan it sangguniang bayan it Kalibo ro andang resolution agud nga mahueag ro andang supplemental budget.
Nauna eon nga nagpangayo sanda it bulig sa lokal nga gobyerno nga mahakot ro andang basura kon sa siin insigida man nga nagsabat ro taeatapan ni Kalibo mayor Juris Sucro apang uwa man raya nagbuhay.
Sa makaron suno kana hay garbage truck nga ginapanag-iyahan it gobyerno probinsyal ro nagahakot sa andang basura kada agahon kada adlaw.
Apang, inde tanan hay masipot kada street rason nga naga-apela imaw it kooperasyon sa mga pumueoyo nga inde anay pag ipaguwa ro andang basura kon uwa pa ro collector agud nga inde magkalhit sa daean.
