Bawas  presyo sa langis,  uman  nga ginpatuman makaron nga adlaw it  Martes

Good news  sa mga  motorista   matapos nga uman nga nakaangkon it panibag-ong bugso  it  bawas  sa  presyo it produktong petrolyo  makaron nga adlaw it Martes.

Base sa pahayag it Unioil Petroleum Philippines,  nagpanaba ro fuel firms it per-liter prices it diesel it P1.25.

Nagnaba man ro presyo it gasolina it P1.65 kada litro, samtang ro adjustments para sa presyo it kerosene hay P1.35.

Ko nagtaliwan nga domingo hay  nakaangkon  man it  pagbawas  sa presyo sa per-liter prices it diesel it P4.15 ag kerosene prices it P4.45.

Samtang,  umpisa sa  Oktubre 3, ro base fares para sa mga jeep ag iba pang klase it  public transportation hay magataas it piso  hasta limang piso bangud sa paghueag  it  presyo it langis.