KALIBO, Aklan—Umpisa ko mayo 21, ginpasugtan eon ro biyahe it mga barko halin sa caticlan paagto sa batangas ag mindoro , vice versa.
Suno kay Seaman Second Class ukon SN2 Elmer Asain it Philippine Coast Guard (PCG)-Aklan , ro ginapasugtan eamang nga makasakay sa mga barko hay ro mga pasahero nga may travel authority ag medical certificate kamana man ro mga cargoes.
Ro nasambit sigon nga mga dokumento ro gina-usoy antes nga makabakae it ticket sa barko.
Mag-eowas sa mga biyahe paagto sa batangas ag vice versa, balik eon man suno kana ro biyahe paagto sa roxas ag bulalacao sa Mindoro. Kamana man ro biyahe it mga motorbansa halin sa caticlan paagto sa san jose, sta. fe ag looc sa romblon vice versa.
Sa pihak nga parte, ko mayo 4, balik operasyon eon ro biyahe it mga motorbanca halin sa dumaguit ferry terminal paagto sa batan port vice versa.
Samtang, umpisa hunyo 11, 2020, ro biyahe it mga motorbanca halin sa caticlan jetty port paagto sa cagban jetty port hay ginsaylo sa tabon to tambisaan port ag vice versa .
Ginpahayag ni SN2 asain nga ginapasugtan eamang ro mga raya nga mag-eayag umpisa alas-6 it agahon hasta alas-8 it gabi-I,
Apang, ro mga residente eamang it malay nga may quarantine pass ag mga trabahador nga may company ID ag frontliners nga nakapaidaeum sa health screening protocol ro makatabok ag makaguwa sa isla it boracay.
Ginataw-an man it konsiderasyon ro mga nagabakae it mga essential goods ag services kamana man ro mga may emergency cases.
Gindugang pa it PCG nga nagtukod man sanda it holding area sa caticlan jetty port para sa mga returning OFWs ag locally stranded individuals samtang nga nagahueat it andang sueang.
Ro padayun nga pag-instrikto it PCG hay kasunod it pagpaidaeum sa bilog nga nasyon sa state of calamity bangud sa coronavirus disease ukon COVID-19 pandemic ag iba pang laye nga ginasunod sa mga tiempo nga may naexperiensiyahan nga maeain nga tiempo.
