KALIBO, Aklan—Ginbulgar ni Pangueong Rodrigo Duterte nga maabo sigon nga illegal nga droga sa isla it Boracay.
Sa anang diskurso sa pagpanupod it Certificates of Land Ownership Award (CLOA) sa mga Ati tribe sa Manoc-manoc Covered Court, adlaw it Huwebes, Nobyembre 8, ginpahayag kara nga nagakalhit ro illegal nga droga sa nasambitang isla nga sambilog sa mga rason sa pagtaas it krimen kapin eon ag libo-libong mga turista ro nagasueod sa Boracay kada adlaw.
May kaangtanan kara, ginpasiguro it pangueo nga pagalimpyuhan nana ro isla kontra sa illegal nga kontrabando kaparehas sa paglimpyo sa baybayon sa sueod it an-om nga bueang pagpasarado sa sikat nga isla.
Samtang, uwa nakaeowas sa diskuro it pangueo ro pangaean nanday Iloilo Mayor Jed Mabilog, napatay nga Dipolog Police Colonel nga si Salvador Rapiz ag Police Gen. Marcelo Garbo Jr. bangud sa koneksyon sigon it mga raya sa illegal nga droga sa rehiyon it Visayas.
