Sangka startup nga kompanya it bioscience halin sa Shenzhen, China ro nag-anunsyo nga nakahimo sanda it sangka tableta nga teoritikal nga makapaeawig it kabuhi it tawo it hasta sa 150 anyos.
Suno sa kompaniya nga Lonvi Biosciences, ro andang bag-o nga bueong hay nagapuntariya sa ginatawag nga “zombie cells.”
Raya ro naga-gueang nga mga cells sa eawas nga owa eon nagatunga kundi padayon nga nagatuga it inflammation.
Dugang pa kara nga ro nagapangunang ingredients it bueong hay owa eamang nagapaeawig it kabuhi, kundi nagapanaba man it mga baeatian nga may kaangtanan sa pag-gueang.
Ro nasambit nga bueong hay nabase sa procyanidin C1 (PCC1), sangka molecule nga makita sa mga busoe it ubas. Ro PCC1 hay gina-angot eon ko una sa mas maeawig nga kabuhi it mga eanggam.
Sa andang pag-eksperimento, ro mga eanggam sa laboratory nga gintaw-an it andang formulation hay nabuhi it 9. 4 pecent nga mas maeawig sa kabilugan, ag 6.2 percent nga mas mabuhay umpisa sa unang adlaw nga pagbueong.
Nagaeaum ro pilang eksperto nga ro nasambit nga klase it teknolohiya hay mahimo mangin mas kilaea sa China samtang naga-abu ro interesado sa pagpadugang it kabuhi ukon longevity.
