Nagpaandam ro Bureau of Immigration (BI) sa publiko makaron nga Semana Santa angot sa pageapta it mga pekeng e-travel services ukon websites online, nga target ro mga pasaherong maga-biyahe makaron nga Semana Santa.
Suno kay BI Spokesperson Dana Sandoval, may mga report it pagpangloko kun siin ginapa-register ro mga biktima sa pekeng e-travel websites ag gina-sukot it bayad.
Ginklaro ni Sandoval nga libre ro opisyal nga e-travel services ag posibleng mag-fill-out it form 72 oras antes ro nakataeanang flight. Mas ginpadali man ro proseso bangud sangka form eon lamang ro kinahangean sabtan.
Para sa mga bukon pamilyar sa sistema, may nakapahaom nga mga kiosk sa paeuparan katuwang ro Department of Information and Communications Technology (DICT) para mag-tao it bulig.
Ginpahanumduman it BI ro mga biyahero nga mag-dahan kontra sa mga pekeng website para malikawan ro pagiging biktima it makarayang klase it pagpangloko.
