Uman nga ginpamatud-an ni Gazini Ganados ro anang dating sa international pageantry matapos makasueod sa Top 3 it Preliminary Swimsuit Competition it Miss Grand International All Stars 2026.
Sa ginpaguwa nga resulta it kompetisyon, nakabo-oe ro Filipina beauty queen it score nga 9.79, rason nga naeakip imaw sa mga may pinakamataas nga marka ag mapabaskog ro anang kampanya para sa kauna-unahang Miss Grand All Stars crown.
Nagpanguna sa swimsuit preliminary ro kandidata it Ghana nga si Faith nga may 9.88, kasunod ro Colombia nga si Vanessa Pulgarin nga may 9.84, samtang si Gazini ro nagapangatlo.
Suno sa mga pageant observers ag fans, uman nga ginpakita ni Gazini ro anang commanding runway walk, confidence, ag strong stage presence nga naging rason agud nga maangkon ro mataas nga marka halin sa mga hurado.
Sa kabilugan nga Top 15 preliminary swimsuit rankings, ginaeakipan man raya it mga kandidata halin sa Venezuela, Dominican Republic, Armenia, Ecuador, United Kingdom, Thailand, ag iba pang nasyon, nga nagapakita it hugut nga kompetisyon sa All Stars edition it pageant.
Pagahiwaton ro coronation night sa May 30 sa Bangkok, Thailand.
