Ginpaabot it Embahada it Pilipinas sa Warsaw nga eowas ag accounted ro tanan nga Pilipino sa Ukraine kasunod it panibag-ong missile ag drone strikes it Russia sa Kyiv nga pumatay sa ap-at nga katawo ag ginkanina it kapin sa 100 nga iba pa.
Umpisa ko nagtaliwan nga weekend, padayun eon nga ginasubaybayan it embahada ro kahimtangan it maisot nga komunidad it mga Pilipino nga una sa Kyiv ag sa iba pang siyudad sa Ukraine.
Nauna kara, naglunsar ro Russia it magkasunod nga pag-atake gabi-i it Sabado, Mayo 23, gamit ro mga drone ag hypersonic Oreshnik intermediate-range ballistic missile.
Gin-guba it mga raya ro dose-dosenang kabaeayan, eskwelahan, baealigyaan, ag sangka museo sa Kyiv.
Ginkumpirma man ni Ukrainian President Volodymyr Zelensky nga owa nabaeabagan it andang air defense ro tanan nga ballistic missile, nga ro kaabuan hay hungod nga gin-target sa kabisera.
Suno man sa Russian Defense Ministry, ro pag-atake hay baeos sa gina alegar nga pagpamomba it Ukraine sa mga sibilyang pasilidad sa sueod it Russia, sangka pasibangud nga hugut nga ginpamalibaran man it parte it Ukraine.
