Gin-engganyo it Department of Interior and Local Government (DILG) ro calamity-hit it mga lokal nga gobyerno nga gamiton ukon i-access ro P5.58 billion financial assistance fund antes ro katapusan it Setyembre.
Suno kay Interior Secretary Benjamin Abalos Jr., posibleng i-take advantage it mga LGU’s ro available aid para maimplementa ro nagakaigong recovery measures sa andang hurisdiksyon nga nagarekober pa maghalin sa kasamaran it nagtaliwan nga severe tropical storm Florita ag magnitude 7.0 nga linog nga tumama sa Northern Luzon ko Hulyo.
Raya sigon ro pamaagi it gobyerno para masiguro ro insigidas nga pagpaabot it bulig sa mga apektadong lugar.
Ro kantidad nga igatao sa mga kwalipikadong LGU hay sandig sa haega it danyos nga nalista sa situational report it National Disaster Risk Reduction and Management Council and the Department of Social Welfare and Development’s Disaster Response Operations Monitoring and Information Center.
Samtang, nag-apela man si Abalos sa mga alkalde ag gobernador nga magpokus sa pagtaeana ag paggamit it nasambit nga financial assistance para sa rehabilitation, reconstruction ag rebuilding it mga programa para sa sustainable recovery it andang kada lokalidad
