Gin-ako eon it China ro ginahimo nga joint military ag naval drill kaibahan ro nasyong Russia sa nabagatnang parte nga ginatawag nga Joint Sea-2024.
Sa ginpaguwang statement it Chinese Defense Ministry, gin-umpisahan eon it daywang nasyon ro military drill kato pang ‘early July’ ag magabuhay hasta sa katung-anan it presenteng buean.
Mabahoe nga parte it nasambit nga drill hay ginapatigayon sa kaeawran ag kahawaan it Zhanjiang City, sa nabagatnan it Guangdong province kon sa siin ginapakita kara it daywang nasyon ro kapabilidad nga solusyunan ro mga paeag sa kaeawran.
Ginapakita man sigon kara ro ikasarang it daywang nasyon nga magkaibahan nga ipabilin ro global ag regional peace and stability.
Kaeakip sa nasambit nga drill hay ro pag-abot ag pagtumpukan it mga missile destroyers, guided missile frigates, suppliers, ag iba pang military equipment sa Southern coast it China.
