Ginpamilit ni Department of National Defense Secretary Gilbert Teodoro Jr., nga owa it kinamatarung ro China nga magpasilabot sa mga aktibidad nga pagahimuon it Pilipinas sa BRP Siera Madre sa Ayungin Shoal.
Raya hay matapos nga hambaeon it Beijing nga may una sigon nga ginapatigayon nga construction sa BRP Sierra Madre rason nga nakaangkon it insidente sa tunga it Philippine Navy ag China Coast Guard.
Ginahambae it China, raya hay sangka pag-eabag sa 2024 provisional understanding sa tunga it Beijing ag Manila.
Suno kay Teodoro, owa sanda it pakialam kun ano ro paga-obrahon it Pilipinas sa kaugalingon kara nga teritoryo.
Samtang, owa ginakumpirma ag owa man ginapamalibaran ni Teodoro ro nasambit nga alegasyon it China.
Suno kana nga gusto eang it China nga kontrolon ro nasambit nga lugar rason nga naga-imbento man raya it mga pageabag.
