KALIBO, AKLAN — Naunahan eon it Chinese tourist ro mga Koreans sa mga turistang naga bakasyon sa isla it Boracay makaron nga 2017.
Suno kay Caticlan jetty port administrator Nieven Maquirang nga umpisa ku Enero 1 hasta 31, sa rank 1 ro China sa tourist arrivals nga nakalista it 34,748; sinundan raya it South Korea nga may haeos dukot nga numero sa 34,040.
Bumuhos sigon ro mga Tsino sa isla sa selebrasyon it Chinese New Year.
Ro iba pang naga pangunang foreign arrivals hay Taiwan, Russia, USA, Australia, United Kingdom, Malaysia, Saudi Arabia ag Germany.
Gin pahayag pa ni Maquirang nga base sa andang record, umabot sa 169,843 ro foreign ag local tourist ukon nagtaas it pitong porsyento kumpara sa 158,701 ku nagtaliwan nga dag-un.
Samtang, bangud sa pagkaangkon it direct flight it sangka airline company sa Kalibo International Airport maghalin sa Fuzhou at Xiamen, China, gina eauman nga mas pang magasaka ro numero it mga Chinese tourist sa Boracay.
