Dere-deretso ro ginapatigayon nga mga satellite voters registration it Commission on Election ukon Comelec-Aklan sa mga kabarangayan ag eskwelahan.
Suno kay Comelec Aklan spokesperson Chrispin Raymund Gerardo nga mabahoe nga bulig ro mga ginapatigayon nga satellite voters registration sa pagtaas it aplikante para sa 2026 Barangay ag Sangguniang Kabataan elections.
Tuyo suno kana it nasambit nga tikang nga indi eon mabudlayan ag madisturbo ro mga pumueuyu sa pag-agto sa mga taeatapan it Comelec.
Bangud kara, uman nga gin engganyo ni Gerardo ro publiko nga magparehistro eon ag magbuylog sa ginapatigayon nga aktibidad sa mga barangay.
Ro pagparehistro it botante para sa Barangay ag SK elections hay magabuhay eon lang hasta sa Mayo 18, 2026 rason nga gina abisuhan ro mga residente partikular ro mga owa pa naka-parehistro nga asikasuhon ag obrahon eon raya sa mas madali nga paniempo.
Sa pagtapos sigon it election registration board ukon ERB hearing sa buean it Abril hay masayuran ro ensaktong numero it mga nagparehistrong botante.
