KALIBO, Aklan — Haeos patapos eon ro nagapadayun nga construction it bag-ong Kalibo Public Market kapin sa daywang buean antes ro uman nga pag-extend it anang date of completion sa Mayo 31, 2026.
Suno kay Sangguniang Bayan member Engr. Emerson Lachica, chairman it Committee on Infrastructure nga kapin sa 80 to 90% eon nga kumpleto ro construction base sa monthly report it Municipal Engineering Office .
Bangud sa pilang mga revision sa plano partikular sa reklamo it asosasyon it mga vendors sa ginpatigayon nga ocular inspection, uman nga naghinyu ro contractor nga mapa-isoe ro date of completion sa Mayo imbes ko Pebrero 28 it makaron nga dag-on.
Nasayuran nga ginpasugtan ni Kalibo Mayor Juris Sucro ro hinyu it mga vendors eabi eon sa meat ag fish section nga bag-uhon ro partition it andang mga pwesto bangud nga masyadong mapiot.
