KALIBO, Aklan – Random vlogging ro ginahimo nga content ni Nielgie Abayon ukon Kuya Q TV, sangka content creator halin sa banwa it New Washington.
Pahayag nana nga nga para kana hay nakahiligan nana raya ukon passion ngani nga bisan uwa it kita halin sa anang mga channels sa sueod it daywang dag-on hay padayon gihapon imaw sa anang ginahimo.
Suno man kana nga eubos ro suporta it anang pamilya ngani nga apisar nga may mga bashers hay uwa eamang nana ruyon ginapansina ag padayon nga ginapokusan ro mga positibo nga komento.
Pagsaysay nana nga sa makaron nagabulig man imaw sa mga nagakinahang-ean.
Pahayag nana nga maabo sa anang mga vloggers ro nagasubaybay sa mga adventures nana ag ro iba hay naga-suggest pa.
Paathag man ni Abayon nga ginatinguhaan nana nga imanihar ro anang oras bilang sangka ama ag content creator.
Uwa pa man imaw it team sa makaron bangud nga mas komportable imaw nga imaw eamang isaea tsaka eun lang sigon kun kinahang-ean eun nana.
Sa makaron, maabo eun ro anang followers sa anang tatlong mga social media accounta sa Facebook, Youtube ag Tiktok.
