BUSINESS News– Nakatutok makaron ro Department of Agriculture sa mga climate-resilient water infrastructure agud nga maisueong ro water conservation sa bilog nga nasyon.
Raya hay kaparte it commitment it DA para masolusyonan ro kakueangan it tubi bilang epekto it El Nino.
Suno kay Agriculture Undersecretary Mercedita Sombilla, may pilang teknolohiya nga andang igasueong agud mapaabo sa nagkaeain-eain nga parte it nasyon para sa nasambit nga programa.
Ginakaeakipan raya it mga solar-powered irrigation systems, pagpatindog it mga state-of-the-art water-impounding facilities ag mga dam, kaeakip ro flood control ag sea wall sa mga flood-prone areas.
Sa makaron, padayun pa gihapon ro panawagan it ahensya sa kada isaea nga magbueoligan agud nga mabawasan ro grabeng epekto it El Nino sa bilog nga nasyon eabi eon ag apektado man kara ro food supply sa bilog nga nasyon.
