Nagpadaea it imbitasyon kay dating Pangueong Rodrigo Duterte ro quad committee it House of Representatives nga naga-imbestiga sa mga kaso it extrajudicial killings matapos ipatuman ro war on drugs campaign it nagtaliwan nga administrasyon.
Ro imbitasyon hay may petsang Oktobre 18, 2024 ag pirmado ni House Committee on Dangerous Drugs chairman Robert Ace Barbers, ro overall chair it quad committee.
Ginaimpormahan it imbitasyon si Duterte angot sa igapatigayon nga pagpamati alas-9:30 it agahon sa Oktobre 22 sa People’s Center Building it Kamara de Representantes sa Batasan Complex, Batasan Hills, Quezon City.
Nauna eon nga ginpahayag ni Duterte nga imaw hay magatambong sa pagpamati it Kamara.
Samtang, uwa nagtambong si Duterte sa mga naunang pagpamati it komite.
